Uvêret som råka fredag har ført til store materielle skadar rundt om i Midt-Noreg, med knuste campingvognar, stengde bruar og fleire tusen husstandar utan straum.
I Trøndelag er talet på straumlause kundar no nede i 15.000. Om lag 6000 kundar nord i Trøndelag ventar framleis på internett. Nettselskapet Tensio seier det er uvanleg mange trefall som fører til alle straumbrota.
Flatanger kommune er framleis heilt utan straum og har manglande mobil- og nettdekning for store delar av kommunen.
– Denne mangel på oversikt skapar også usikkerheit og det er vanskeleg som kommune å gå ut til innbyggarane med informasjon.
Det seier kommunedirektør Knut Storeide.
– Tryggleiksalarmane fungerer ikkje, då batteritida no har gått ut. Detter jobbar vi med, men dette kan potensielt vere livstruande, og igjen oppfordrar vi straumselskapet til å prioritere ein innsats for vår kommune.
I Namdalseid i Namsos er store delar av kommunen utan straum, og fleire er utan mobildekning, seier kommunalsjef Ann Evy Duun.
I Steinkjer har fleire tre falle, og lysstolpar blitt øydelagde.
Foto: Rita Kleven / NRK
På Helgelandskysten er det framleis i underkant av 800 bustader utan straum.
I går kveld var 40.000 utan straum i Midt-Noreg totalt.
Laurdag føremiddag jobbar straumselskapa for fullt med å gi straum tilbake til kundane, men det er mykje arbeid.
Hos Tom Stallvik i Inderøy gav det gamle kastanjetreet slepp då vinden herja som verst.
– Siste gongen det skjedde var vel i nyttårsstomen i 1992. Det blåste forferdeleg mykje i går. Eg synest det knaka og banka litt. Før eg visste ordet av det, så gjekk treet. Det var berre å kome seg inn igjen.
– Arbeidet kan eg gjere, men eg synest det er mest trist at treet rauk.
Foto: Morten Andersen / NRK
Kan ikkje garantere straum
Trefalla i Trøndelag har omfamna spesielt Namsos- og Steinkjer-området. Tensio kan ikkje garantere at alle får tilbake straumen i dag heller.
Selskapet opplyser til NRK at dei har mykje mannskap ute og at rettsarbeid pågår for fullt.
Kommunikasjonsansvarleg i Linea, Frode Dorp, seier dei jobbar for fullt for at alle kundar på Helgeland skal få tilbake straumen i dag.
– Det har vore hektisk. Det vi veit er at vi har skade på ein nettstasjon som tar tid å reparere, men vi reknar med å få opp aggregat slik at vi kan gi ut midlertidig straum.
Han opplyser til NRK at dei har mange forskjellige typar feil på ytre område av Helgeland. Kraftig vind er årsaka til alle.
-
Tre campingvogner er tatt av vinde og knust til pinneved på Frøya.
-
Et tak i Sødalen på Frei i Kristiansund har løsnet i vinden.
-
En lastebilhenger er tatt av vinden i Spillum ved Namsos.
-
Et stort stilas har falt ned fra en bygning og ned i elva i Kjøpmannsgata i Trondheim.
-
Frøya Storhall er skadet som følge av uværet.
-
Butikken på Hitra må bruke alternativ inngang på grunn av vinden.
-
Et naust på Sistranda på Frøya står i fare for å bli tatt av vinden.
-
Takpapp har blåst av og landet på en bil i Trondheim.
– Det er eit godt sortiment av feil, vi har også ein del trefall. Nokre nettstasjonar som har hatt branntillaup har truleg hatt overspenning og kortslutning.
I morgontimane er selskapet ute med helikopter for å sjå over linjenettet, og vil kome seg ut til øysamfunna utan straum med båt, som var umogleg då vinden herja som verst.
– Det jobbast for fullt, no er det lyst og fint i forhold til det som var i natt.
Stengde vegar og innstilte tog
På hovudfartsåra E6 over Saltfjellet har det vore stengt i natt på grunn av vêrforholda. Vegen opna klokka 08:30 laurdag morgon.
Laurdag er også større delar av Nordlandsbanen stengt mellom Steinkjer og Bodø.
Det betyr at toget frå Bodø til Trondheim med avgang klokka 12.27 er innstilt. Det blir ikkje sett opp alternativ transport, ifølge SJ sine nettsider, som vil kome med ei ny oppdatering rundt klokka 15 laurdag.
Likeins er toget frå Trondheim til Bodø med avgang klokka 07.49 innstilt, utan alternativ transport. Årsaka er at det er venta store mengder nedbør.
I Nordland og Troms er fleire vegar stengt eller prega av kolonnekøyring:
- Riksveg 73 Krutfjellet: Uvêr og oversymjing. Omkøyring via Sverige.
- E10 Bjørnfjell: Kolonnekøyring norsk side. Ope på svensk side.
- E8 Troms: Stengt mellom Skibotndalen og grensa til Finland, på grunn av uvêr.
Slik såg det ut i Skibotndalen på grensa mellom Noreg og Finland, like før halv elleve laurdag formiddag. Vegen er stengd inntil vidare på grunn av dårleg vêr.
Foto: Statens vegvesen
På Senja i Troms er i overkant 40 straumkundar påverka av eit straumbrot, ifølge Arva. Hurtigbåten som går mellom Tromsø og Harstad innstiller stoppet på Brøstabotn på grunn av vêrforholda, opplyser Norled.
Ny runde med regn
Vassføringa er venta rolegare den første delen av dagen på grunn av kaldare vêr, melder Noregs vassdrags- og energidirektorat (NVE).
Men i ettermiddag er det venta ei ny runde med regn i delar av Trøndelag og Nordland som igjen vil føre til aukande vassføring.
Store ismengder var på veg nedover i Saltdalselva fredag kveld.
Saltdal kommune
Frå natt til søndag er det igjen venta fare for flaum på oransje nivå i delar av Trøndelag og Nordland.
– Mykje is og snø i vassdraga gir i tillegg betydeleg oppstuving lokalt. Det har vore isgang fleire stader, seier flaumvakt Kristian Strand Nordtun i NVE til NTB.
Meteorologisk institutt har sendt ut farevarsel på gult nivå for jord-, sørpe- og flaumfare.
Publisert
Oppdatert
