Norgga girku čuovvola Duohtavuođa- ja soabadankommišuvnna raportta. Sii leat mearridan 29 čuoggá mainna galget bargat.
Dan čállá Norgga girku preassadieđáhusas.
Doaibmaplána sisttisdoallá sihke giela ovddideami, bargiid gelbbolašvuođa bajideami, dáidaga ja kultuvrra oainnusmahttima, ja teologalaš barggu fáttáin.
Doaibmaplánas áigot ovddidit giela, bajidit bargiid gelbbolašvuođa, oainnusmahttit dáidaga ja kultuvrra, ja bargat teologalaš fáttáin.
– Stáhta girkun leimmet stáhta olgeš giehta, ja danne mis lea mielovddasvástádus dáruiduhttinpolitihkas. Seammás lea girkus iešheanalaš ovddasvástádus das mo min teologiija ja geavahus lea leamaš mielde unnitloguid oskku ja eallinoainnuid duolbmame ja dahkamin oaidnemeahttun, dadjá Girkoráđi jođiheaddji Harald Hegstad.
May Bente Jønsson lea ilus go doaibmaplána lea mearriduvvion. Son lea Sámi girkoráđi jođiheaddji Norgga girkus.
– Lea buorre go leat sihke oanehisáigge- ja guhkesáigge doaibmabijut. Dát čájeha ahte dát váldo duođalaččat dál, muhto maiddái ahte dát lea proseassa mii sáhttá ádjánit, dadjá May Bente Jønsson.
