Lars Ruud Børnes blei uteksaminert frå politihøgskulen i Bodø i 2021, og begynte karrieren som operatør ved operasjonssentralen i Bodø. Han blei tilsett som politibetjent ved Vanylven politistasjon i 2024, og har bakgrunn innan vakt og beredskap, etterforsking og førebyggande arbeid.
– Det er ein fordel å erfare politiarbeidet frå fleire felt for å få ei god heilskapsforståing for politikvardagen. Eg tek med meg alle erfaringar inn i den nyoppretta stillinga som tenestestadsleiar, seier Lars.
Som politikontakt skal Lars ha ein tett dialog med kommunen, og samarbeidet skal kome innbyggjarane til gode, særleg sårbare og utsette grupper.
– Eg ønskjer å vere ei tilgjengeleg politikontakt som har god dialog med innbyggjarane i Vanylven kommune. Saman med kommunen ønskjer eg å ha fokus på førebyggande tiltak som kjem barn og unge til gode, seier han.
