Sundag kveld stoppa svensk kystvakt skipet «Vezhen» etter at ein kabel mellom Sverige og Latvia blei skadd.
Skipet seglar under maltesisk flagg, men er registrert i Bulgaria og eigd av selskapet Navigation Maritime Bulgare.
Eigaren til skipet meiner at ankeret kan ha skadd kabelen i kraftig vind.
Òg bulgarske styresmakter avviser at dei er involvert i sabotasje, ifølgje nyheitsbyråa Reuters og AFP.
Det er nok ein gong skjedd eit kabelbrot i Austersjøen, og det er mistanke om sabotasje.
Blir etterforska for mogleg sabotasje
Leiaren for selskapet, Alexander Kalchev, seier til AFP at skipet blei «jaga» av svensk kystvakt og no ligg ankra i svensk farvatn der det blir undersøkt.
– Skipet blei jaga av den svenske kystvakta med instruksjonar om å gå inn i deira territorielle farvatn, og det ligg no til ankers der ei etterforsking går føre seg.
Han avviser sabotasje, og meiner eitt av skipet sine anker kan ha skadd kabelen i kraftig vind.
Sabotasje er ei medviten handling der nokon skadar eller øydelegg for å oppnå eit bestemt mål eller hindre normal drift.
Skipet ligg utanfor Karlskrona i Sør-Sverige. SVT melder at det ser sliten ut.
Les nedanfor om kva for kablar som finst i Austersjøen:
-
AFP
Fiberoptiske kablar
Desse kablane koplar land som Sverige, Finland, Estland, Latvia, og andre i regionen saman for rask og sikker internettrafikk og telekommunikasjon.
-
Reuters
Energikablar
Undersjøiske straumkablar blir brukte for å overføre elektrisitet mellom land i regionen.
-
AFP
Gassrøyrleidningar
Viktige gassrøyrleidningar som forsyner energi mellom ulike land i Austersjøområdet.
Fleire sabotasjar
Fleire kablar og røyrleidningar i Austersjøen har blitt skadde dei siste månadene.
I september 2024 blei gassrøyrleidninga Balticconnector mellom Finland og Estland skadd.
I oktober 2024 blei fiberkablar mellom Sverige og Estland og Sverige og Latvia øydelagde.
EU har varsla sanksjonar mot russiske skuggeflåtar som ein respons.
Ein skuggeflåte er ei gruppe skip som opererer skjult eller under falskt flagg for å unngå og bli oppdaga.
Peikar på Russland
Tormod Heier, professor i militærstrategi, seier at Russland kan stå bak dersom skadane er forårsaka av ytre påverknad.
Han meiner dette er ein del av ein pågåande «hybridkrig».
Hybridkrig er krigføring som kombinerer militære verkemiddel med cyberåtak, desinformasjon og sabotasje for å svekke motstandaren.
– Vi må nok i dag kanskje erkjenne at vi ikkje lenger står overfor hybride truslar, men at vi lever i ei tid der vi er i ein fase med hybrid krigføring mot Russland, seier Heier.
Tormod Heier, professor i militærstrategi ved Forsvarets høgskole.
Foto: Aurora Ytreberg Meløe / NRK
Interessert i meir utanriks? Høyr podkasten til utanriksredaksjonen:
Publisert
Oppdatert
